طلبك — من فوضى الطلبات في واتساب إلى منصة بيع متكاملة
منصة متعددة التجار تدّي كل تاجر متجر بلينك خاص، وتحوّل الطلب إلى رسالة واتساب منظّمة بدل محادثة مبعثرة — مع لوحة إدارة واشتراكات وتتبّع طلبات.
المشكلة
التاجر الصغير في مصر والخليج بيبيع عبر واتساب: العميل يسأل عن المتاح، التاجر يبعت صور وأسعار، والطلب يتكتب وسط عشرات الرسائل. النتيجة المتكرّرة:
- طلبات بتضيع أو بتتنفّذ غلط لأن التفاصيل متفرّقة في المحادثة
- الأسعار بتتكرّر يدوياً مع كل عميل، وأي تغيير لازم يتبلّغ لكل حد
- مفيش سجل للطلبات ولا معرفة بالأكثر مبيعاً
- لما يخلص صنف، التاجر لازم يفتكر إنه يقول للعملاء
والحلول الجاهزة الموجودة إما غالية على تاجر لسه بادئ، أو مبنية على تجربة شراء غربية بعيدة عن إن واتساب هو قناة البيع الأساسية.
الحل
بنيت منصة SaaS متعددة التجار — كل تاجر بيسجّل ويجهّز متجره في نفس اليوم:
- متجر بلينك خاص لكل تاجر: كتالوج بصور وأسعار وتصنيفات وبحث
- الطلب يتحوّل لرسالة واتساب جاهزة فيها المنتجات والكميات والإجمالي والعنوان — التاجر يستقبلها منظّمة على رقمه
- لوحة تحكم للتاجر: إدارة المنتجات والمخزون والطلبات والعروض
- تتبّع طلب للعميل بلينك بيوريه حالة طلبه
- اشتراكات وباقات مع فترة تجربة، ولوحة إدارة مركزية للمنصة كلها
أصعب جزء: نقل تاجر شغّال بالفعل
أول تاجر حقيقي على المنصة كان عنده كتالوج قائم على منصة تانية. نقل الكتالوج مش مجرد استيراد ملف: الأصناف ليها متغيّرات (مقاسات وألوان)، وجزء منها ناقص أسعار.
التشغيل
المنصة شغّالة على سيرفر واحد بموارد محدودة، والاستقرار جه من الإعداد مش من حجم السيرفر:
- الخدمات في حاويات Docker منفصلة (تطبيق · قاعدة بيانات · كاش · nginx)
- شهادات SSL بتتجدّد تلقائياً، ومراقبة بتنبّه قبل انتهاء الشهادة بوقت كافٍ
- نسخ احتياطية يومية لقاعدة البيانات
- Redis للكاش والطوابير عشان الطلبات ما تتعطّلش وقت الضغط
المكدس التقني
عندك فكرة مشابهة أو محتاج منصة لنشاطك؟
تواصل معي